خلاف عائلي بقرية الشوامى

[center]خلاف عائلي بقرية الشوامى
بسبب النسب تسبب في وقوع ضحايا حيث قام أحد الأطراف بتأجير بلطجية من قرية
دملاش مسلحين بالاسلحة البيضاء و النارية و الشوم مما أدي الي إصابة بعضهم
و تم نقل أحد المصابين إلي مستشفي طوارئ المنصورة و الثاني بجرح قاطع في
الرأس و الثالث بطعنة نافذة في البطن و الرابع جرح قاطع في يداية و رأسة

وهذا الكلام كتب من قبل احمد محروس

السلام عليكم ورحمة الله وبركاته

الخلاف كان بين عائلة توفيق والد الزوج .. وبين عائلة سالم والد الزوجه ( المجنى عليه ) وهو وعائلته ..

فعلاً حصل كده فى قرية الشوامى
ولكن الموضوع فى مبالغه شويه فى تأحير البلطجيه .. الناس اللى جاءت حوالى 40 شخص منهم اشخاص من عائلة توفيق
من خارج البلد وكل واحد منهم دعا اصحابه معاه ( مجامله ) وانا افضل انى اقول عليهم نفس اللفظ ..

الساعه 10.5 مساءاً 2 مكروباص وعربيه
كلهم يحملون اسلحه بيضاء وبعضهم كان يحمل اسلحه ناريه على حد قول الاخرين لانى وصلت مكان الحادث متاخر ..
فوجئ اهل بيت سالم بهجوم كاسح كسر فى باب الدخول الى المنزل من جانب عدد
من البلطجية الذين تسلحوا بالأسلحة البيضاء والنارية .. كل اللى كان بيقول
منهم بم كان بيضرب مما ادى الى إصابة بعضهم و تم نقل أحد المصابين إلي
مستشفي طوارئ المنصورة و الثاني بجرح قاطع في الرأس و الثالث بطعنة نافذة
في البطن و الرابع جرح قاطع في يداية و رأسة

هربوا كلهم ماعدا 3 اشخاص واستخبوا فى بيت توفيق لان وقتها فى احد الناس
نادى فى ميكروفون الجامع الذى بجوار بيت العائلتين ... فاناس اتلمت وماعرفوش
يهربوا وفضلو فى بيت توفيق حتى جاءت شرطةالشوامى وبعدها اتصل الكابتن
نبيل اللى ماسك النقطه وإتصل على شرطة مركز مدينة بلقاس
واهالى قرية الشوامى امام بيت عائلة توفيق يرددون ( مش هنسيبكم مش هنسيبكم )
( لازم يموتوا هنا فى البلد ) ( مفيش فيهم حد يطلع سليم ) ( هى البلد مالهاش كبير )
قال شخص من ابناء عائلة سالم ( ادخل اموت جوه بين ايديهم بس اخد حق اخواتى )
فضلت الروايات شغاله لغاية الساعة 11.5 شرطة بلقاس وصلت فى نفس التوقيت ده ..
طلبوا من اهالى الشوامى حبل .. عشان يربطو البلطجيه ..
طلعت الشرطه بالبلطجيه من البيت والفوضى اشتغلت الناس ضربت البلطجية ضرب جامد جداً ..
قبل ان يدخلوا البوكس ... والبوكس كان تلاته بس من الحكومه طب ايه اللى جبكم من الاول ...
ركبوا البوكس واهل الشوامى وراء جرى والبوكس ركب فيه البلطجيه وماكنش فيه
ظابط راكب فيه مااعرفش هما وصلوا المركز ولا هربوا منهم فى الطريق ...

وافتكروا ان فى واحد لسه منهم جوه خرج ابن من ابناء توفيق والناس نزلت ضرب فيه مفكراه شخص من البلطجيه ...
وبعدها مااعرفش ايه اللى حصل ...

حد فهم حاجه ..

[/center]

» الشوامى - سبب التسميه بهذا الاسم